Фонд Усходнееўрапейскага Дома працуе на карысць мірнага ладу паміж народамі Усходняй Еўропы шляхам стварэння ў палацава-паркавым комплексе ў Мордах каля Седльцаў цэнтра гістарычнага дыялогу і дакументавання агульнага мінулага. Ён вядзе сістэмны дыялог - гістарычны і сучасны - паміж раней сканфліктаванымі народамі ўсходняй часткі Еўропы, скіраваны на закрыццё рахункаў мінулага.
Ён імкнецца да стварэння адкрытай прасторы для многіх нацый, якая аб'яднае нацыянальныя і транснацыянальныя комплексы (бібліятэкі, архівы, выставачныя плошчы), а таксама цэнтра творчай працы для людзей і ўстаноў, якія займаюцца гісторыяй і сучаснасцю Усходняй Еўропы. Фонд мае намер арганізаваць архіў і музей памежжа Мазовіі і Падляшша з асаблівым акцэнтам на мясцовую гісторыю горада Морды і яго ваколіц, і хоча стварыць у палацава-паркавым комплексе ў Мордах месца памяці роду Пшэўлоцкіх і яго атачэння.
Фонд хоча захаваць гістарычную сутнасць і ажывіць палацава-паркавы комплекс у Мордах, які з'яўляецца еўрапейскай культурнай спадчынай. Мэтай фонду з'яўляецца ажыццяўленне ідэйнай волі прамых спадчыннікаў Генрыка Пшэўлоцкага (апошняга ўладальніка маёмасці ў Мордах перад нацыяналізацыяй), выкладзенай у дамове, заключанай 25 лютага 1999 года з фондам цэнтра КАРТА, якая абавязвае сям'ю Пшэўлоцкіх і цэнтр КАРТА сумесна правесці мерапрыемствы па перадачы палацава-паркавага комплексу ў Мордах для грамадска-карысных мэтаў, звязаных з пабудовай мірных адносін паміж грамадствамі краін Усходняй Еўропы.
