Сацыяльная мабілізацыя супраць дыктатараў
Гэтую думку падзяляюць усе, з кім мы пачынаем будаваць гэтае месца — палякі, украінцы, беларусы, расейцы, літоўцы, крымскія татары, армяне, чачэнцы... — праціўнікі вайны і рэжымаў, здольныя бачыць выклікі, з якімі нашыя народы сутыкнуцца адразу пасля вайны. narody staną natychmiast po wojnie.
Мір і закон для Усходняй Еўропы
Гаспадарамі запланаваных актыўнасцяў і арганізаваных мерапрыемстваў будуць (на аснове партнёрскіх прынцыпаў) тыя нацыянальныя асяродкі, якія пастаянна ці часова знаходзяцца ў Польшчы, і якія прымуць агульныя прынцыпы, што вынікаюць з галоўнай мэты – імкнення да міру і свабоды. Сістэмны дыялог, мэта якога – закрыць рахункі з мінулага, а таксама тыя, што адкрыла або ўзмацніла вайна – павінен служыць пасляваеннаму пагадненню ў Еўропе.
Фундаментальныя размовы пра мінулае, сучаснасць і будучыню
Мы ўжо пачалі сустрэчы ў супольнай прасторы ў «нацыянальных паралельных цыклах» — з павагай да няпростых пачуццяў, часам недаверу ці негатоўнасці нават да сімвалічных жэстаў зносін. Але ёсць ужо і агульныя ўкраінска-расейскія размовы вакол найскладанейшых тэм — самай балючай сучаснасці.
Мы разумеем, што наперадзе яшчэ доўгі шлях, але пачынаць трэба...
Тут будзе створаная спецыяльная бібліятэка на ўкраінскай, беларускай, расейскай і іншых усходнееўрапейскіх мовах, а таксама архіў дакументаў, неабходных для разумення мінулага нашага рэгіёна. Рэсурсы будуць стварацца супольна – па меры працы Вітрыны. У будучыні ўсе ўдзельнікі змогуць скарыстацца чытальнай залай для фізічных і лічбавых калекцый, якая тут паўстане.
Мяркуецца, што гэта будзе інстытуцыя, якая спалучае ў сабе агульны ўрок для грамадства з гісторыі XX/XXI стагоддзяў – у кантэксце працэсу ад геапалітычнага зняволення да незалежнага існавання, ад калектыўнага падпарадкавання да самавызначэння, ад таталітарнай сістэмы да дэмакратыі – з сацыяльнай мабілізацыяй ва ўмовах вайны і рэпрэсій, якія працягваюцца на Усходзе Еўропы.
Нам патрэбная ваша дапамога. У нас ёсць воля і рашучасць, але апрача іх нам патрэбныя: абсталяванне, неабходнае для арганізацыі шматмоўных сустрэч (сінхронны пераклад), кінапраектар (і магчымасць зацямняць памяшканне з вялікімі вокнамі), кандыцыянеры (іх адсутнасць адчулі ўдзельнікі ўстаноўчых сходаў), перасоўныя стэлажы (неабходныя для размяшчэння вялікіх калекцый), абсталяванне чытальнай залы, у тым ліку камп’ютары (магчымасць карыстацца інтэрнетам і інтранэтам — для канфідэнцыяльных дакументаў), выставачнае абсталяванне, сродкі для ўтрымання памяшкання і наёму Каманды, якая зробіць гэты аб'ект даступным з ранку да вечара 7 дзён на тыдзень, дазволіць арганізаваць дэбаты, паказы, лекцыі, канцэрты, сустрэчы...
Падчас падвядзення вынікаў 40-годдзя дзейнасці КАРТЫ 10 кастрычніка 2022 года прафесар Антоні Дудэк выступіў з заклікам падтрымаць дзейнасць Вітрыны Усходняга дома. Такім чынам, ён ініцыяваў грамадскую кампанію па зборы сродкаў пад патранажам фонду «Цэнтр КАРТА». Мэта – збор сродкаў на абсталяванне і першы год працы Вітрыны. Збор сродкаў быў створаны на сайце Zrzutka.pl па адрасе: https://zrzutka.pl/witryna – і будзе дзейнічаць да 11 лістапада 2022 года. Мы вельмі разлічваем на вашу падтрымку і ваш унёсак у будаўніцтва нашага агульнага месца – у якім паўстане міжнародны грамадскі рух супраць тыраніі.
Вітрына Усходняга дома — Вітрына свабоды
